Wolfgang Ambros Es Brennt No A Gluat

Du host die Wahrheit g´sogt, wie kana vor Dir.
So naiv und brutal - i dank Dir dafür !
Du woast mei Halt und mei Gewissen
für so lange Zeit
und wenn i oft net weiterwaß,
dann bist es no bis heut.

Und die Leut´ hob´n immer nur ´tanzt
egoistisch und stur.
Sie tanzen no bis heut´,
sie horch´n Dir bis heut´ ned zua.
So vü Not und so vü Elend,
so vü Tränen, Schweiß und Bluat,
wir bräuchten jetzt so an wie Di,
doch Du bist lang scho fuat.

Bob Marley, schau oba, vielleicht kannst Du wos tuan.
Es is, seit Du fuat bist, alles no vü schlechter word´n.
Es is no vü schlimmer ois zu Deiner Zeit.
Es gibt no mehr Haß, no mehr Gewalt
und no mehr schlechte Leut´.

So wie die Sunn über Jamaika,
so haß host Du ´brennt.
So wie die Nacht von Kingston Town,
so finster woas am End´.
Du woast der Größte und der Beste,
es wird kan mehr geb´n wie Di.
Jetzt bist im Rastahimmel,
doch sterben wirst Du nie!

Bob Marley, schau oba, i möcht´ Di so gern spür´n.
Mir wär so viel besser, könnt i Di jetzt berühr´n.
I hob so a Sehnsucht nach Deiner Musik.
Es wird alles so finster und so eng,
daß i fast erstick´.

Du warst überzeugt und dadurch warst Du so guat.
Dei Feuer is erloschen, doch es brennt no a Gluat.
I werd Di nie vergessen, i werd tun was i kann.
I suach a Reisig und a Holz und zünd des Feuer wieder an!

Solo - Ref I - Outro