Weihnachtsgrüsse Von Aner Hur Aus Floridsdorf

Eingetragen von: offlinedomdorn [M28AT]
Texttyp: Lyric 2001-06-23 00:00:00
Auf Facebook teilen

Hey Charlie i bin schwanger
I leb jetzt in Floridsdorf
Direkt über dem Buchg'schäft
Mit der staubigen Auslog
I hob endlich aufg'hört
Mit'n Gift und mit'n Whisky
Mei Oida spüt Saxophon
Und er is komplett straight

Er sogt, er steht total auf mi
Obwohls ned sei Kind is
Er sogt er wird eam aufziag'n
Wie sein eigenen Sohn
Er hot ma an Ring g'schenkt
Den wos sei Mutter amoi trogn hot
Er führt mi aus zum Tanzen
Jeden Samstag auf'd Nocht

Hey Charlie, i denk oft an di
Wann i an der Tankstell vorbeifoa
Weu du immer so vü Fett
In deine Hoa g'schmiert host
I hob no immer die CD
Vom Ostbahnkurti und da Chefpartie
Doch a Freier hot ma den Player g'stohln
Wos sogst du do dazua?

Und i bin fost verruckt word'n
Wie's den Mario verhoft hob'n
Dann bin i weg nach Gänserndorf
Zu meine oid'n Leit
Doch a jeder, den i kennt hob
Woa entweder tod oder ei'gsperrt
So bin i z'ruck nach Floridsdorf
Und diesmoi bleib i do.

Du Charlie, i bin glücklich, glaub i,
zum ersten Moi nach mein Unfall
I wünsch mir nur i hätt des Geld
Wos du fürs Gift ausgeb'n host
I kaufert ma an Gebrauchtwogenhandel
Doch i tät kan Wogn verkaufen
I fohrert jeden Tog mit an andern
So wie's mi grod g'freut


Und Charlie, hey, i sog dir wos
Wüst wiss'n wos die Wahrheit is
I hob goa kann Oidn
Und er spüt ka Saxophon
I brauch sofort a Geld von dir
Für diesen schmierigen, gierigen Anwalt
Dann kumm i auf Bewährung frei
Mitte Februar

Kommentare zu diesem Text

Um diesen Text kommentieren zu können, musst Du eingeloggt sein!
Noch keine Kommentare vorhanden